नेपाली हास्यव्यङ्ग्य अनलाइन पत्रिका

मोक्ष खतिवडा :

विभव ह्रास हुँदै छ यहाँ अझै
मधुरता किन घट्छ अझै सधैँ
नियत शुभ्र बनोस् शुभ भाव होस्
सफल वृद्ध बनौँ नित गेहको (१)

जतन होस् धन आर्जन आखिर
सुमन बन्छ सबैतिरको घर
मृदुल भाव सँगाल्न सिकौँ सधैँ
सफल वृद्ध बनौँ अनि ओत झैँ (२)

वचन काँड बने मन दुख्छ यो
विनयले शुभ भावन झल्कियो
कपट पाल्नु खराब बुझी सधैँ
सफल वृद्ध बनौँ घर भित्रकै (३)

सबल होस् मन धीर बनोस् सदा
हृदय स्वच्छ बने त खुसी सदा
सुख हुनेछ खुबै भविता सधैँ
सफल वृद्ध बनौँ खुद शीघ्र नै (४)

लत खराब भए सब फालियोस्
गरिबनिम्ति भलाइ चिताइयोस्
तब बनिन्छ मियो दरिलो सधैँ
सफल वृद्ध बनौँ र रमौँ बसौँ । (५)

०००
झापा