नेपाली हास्यव्यङ्ग्य अनलाइन पत्रिका

एसके निधन :

-नेपालको क्षेत्रफल कति छ ?

-खै ! थोरै नै होला ।

-नेपालको जनसङ्ख्या कति छ ?

– हेक्का भएन ।

– नेपालको आर्थिक विकासको मूल आधार के हो ?

– के थाहा ? आफू व्यापारी परिएन ।

– नेपालको राष्ट्रिय गाना कुन हो ?

– गीत सङ्गीतमा मेरो खासै रुचि छैन ।

– नेपालको सांस्कृतिक, धार्मिक एवं ऐतिहासिक पक्षमा कत्तिको जानकार हुनुहुन्छ ?

– लोकसेवा आयोगको तयारी गर्‍या भए पो ।

– जीवनमा सबैभन्दा बढी खुशी भएको दिन ?

– अमेरिकी सेनाले सबदान हुसेनलाई मारेको क्षण ।

– सबैभन्दा दुःखी कहिले हुनु भयो ?

– टाइटनिक फिल्मको हिरो कठ्याङ्ग्री मर्दा ।

– तपाईलाई मन पर्ने देश कुन हो ?

– स्विजरल्यान्ड ।

– मन पर्ने गीत ?

– जनगनमन भारत माता ।

– मन पर्ने उत्सव ?

– भ्यालेन्टाइन डे एन्ड क्रिसमस ।

– तपाईं को हो ? चिन्नु हुन्छ ?

– कस्तो वाईयात प्रश्न ।

– भन्नुस न त, तपाईं को हो ?

-स्वाभिमानी नेपाली ।

– नेपाली ? के छ प्रमाण ?

– नेपाली नागरिकताको प्रमाणपत्र ।
???????

०००
हेटौंडा ।