आमालाई ठग्ने ?
मूल्यवान् पसिना त विदेशीले किन्छ स्वदेशमा कहाँ कसको पसिना यो बिक्छ ? त्यसैले त देशलाई रगत दिन तयार छन् पसिना चैं दिन परे विदेश फरार छन् ।
देशले मागे रगत दिन सबै तयार छन्
पसिना चैं दिन परे विदेश फरार छन् ?
मूल्यवान् पसिना त विदेशीले किन्छ
स्वदेशमा कहाँ कसको पसिना यो बिक्छ ?
त्यसैले त देशलाई रगत दिन तयार छन्
पसिना चैं दिन परे विदेश फरार छन् ।
देशको माया गर्छु भन्छ देशैलाई ढाँट्दै
पसिना चैं नदिनेले रगत दिन आँट्दै
आमाले कुन कुन सन्तानको रगत कहाँ माग्छन् ?
थोपो रगत नबगोस् है बरु आशिष दिन्छन् ।
देशले मागे रगत दिन सबै तयार छन्
पसिना चैं दिन परे विदेश फरार छन् ।
बत्तिसपुतली, काठमाडौं