अर्जुन पराजुलीआदेश
फरक यत्ति हो- खड्गादेश आउँदा ढोकामा माला लिएर बस्थ्यो विद्यादेश ! देउवादेश आउँदा ढोकामा ताला लिएर बस्छ विद्यादेश ! चाहे आओस् खड्गादेश चाहे आओस् देउवादेश कुरो एकै हो- सिध्यादेश !!
आदेश-
हिजो पनि आउँथ्यो
आज पनि आयो ।
फरक यत्ति हो-
हिजो खड्गादेश आउँथ्यो
आज देउवादेश आयो !
फरक यत्ति हो-
खड्गादेश मध्यरातमा आउँथ्यो !
देउवादेश मध्यदिनमा आयो !
फरक यत्ति हो-
खड्गादेश खड्ग लिएर आउँथ्यो
संसद भत्काउन
देउवादेश दाउरा लिएर आयो
जेल भत्काउन !
फरक यत्ति हो-
खड्गादेश आउँदा ढोकामा
माला लिएर बस्थ्यो विद्यादेश !
देउवादेश आउँदा ढोकामा
ताला लिएर बस्छ विद्यादेश !
चाहे आओस् खड्गादेश
चाहे आओस् देउवादेश
कुरो एकै हो- सिध्यादेश !!
०००
काठमाडौं
Subscribe
Login
0 Comments
Oldest
