नेपाली हास्यव्यङ्ग्य अनलाइन पत्रिका

१.
खुकुरीहरू भोकाए भन्दैमा
उनीहरूलाई
शीर जिम्मा लाउन सकिँदैन ।
हरिभजन गाए भन्दैमा
मूर्तिचोरहरूलाई
मन्दिर जिम्मा लाउन सकिँदैन ।

२.
उहिले उहिले
प्रेमी प्रेमिका भेट भएपछि
अँगालो नहालेर
एकले अर्काको अनुहार हेर्थे
अहिले
अँगालो हालेर
आफ्नु आफ्नु मोबाइल हेर्छन् ।

३.
राष्ट्रपतिको सवारी हिँड्ने बाटोमा
हिँड्ने
को हो त्यो डाक्टर ?!
राष्ट्रपति सवारी हुने बेलामा
किरामी हुने को त्यो बिरामी ?!

डाक्टर साहेब !
बिरामी चेक गर्न जानै थियो
एक घन्टा पछि गएको भए के हुन्थ्यो ?!
बिरामी साहेब !
बिरामी हुनै थियो
एक घन्टापछि भएको भएको के हुन्थ्यो ?!

४.
प्रेममा पर्नेहरूले-
उहिले उहिले
रोएर सिरानी भिजाउँथे
अहिले
रोएर फेसबुक भिजाउँछन् !

०००
सितलपाखा, कीर्तिपुर