अर्जुन पराजुलीयाद आयो
देखाउँदै मिति गुज्रेको जेलमा बसेको लाइसन व्यवस्थै खान थालेको याद आयो मलाई । टाँगेर निधारमा राष्ट्रियताको रातो तुल जासुस अँगालोमा हालेको याद आयो मलाई ।
अर्जुन पराजुली :
खरानी बेच्न घर बालेको याद आयो मलाई
कात्रोमा खल्ती हालेको याद आयो मलाई ।
भ्रष्टाचार गर्न दिन्न भन्दै कोरोना कालमा
कमिशनका बोरा उचालेको याद आयो मलाई ।
च्यातेर साथीभाइ बनाएर पुछने टालो
जुत्ता पुछेर फालेको याद आयो मलाई ।
उध्याएर प्रतिगमनको तरबार मध्यरातमा
खसी झैँ संसद ढालेको याद आयो मलाई ।
देखाउँदै मिति गुज्रेको जेलमा बसेको लाइसन
व्यवस्थै खान थालेको याद आयो मलाई ।
टाँगेर निधारमा राष्ट्रियताको रातो तुल
जासुस अँगालोमा हालेको याद आयो मलाई ।
०००
सितलपाखा, कीर्तिपुर
Subscribe
Login
0 Comments
Oldest
