नेपाली हास्यव्यङ्ग्य अनलाइन पत्रिका

माधवराज दाहाल :

भन्यौ परिवर्तन
र सुरु गर्यौ
बदलाबको अभ्यास
बेहिसाब हिसाब गर्यौ
उतिकै जोड्ड्यौ अङ्क
भाच्यौ औंलाका आख्ला
तिनले पुगेनन् र गन्यौ
खुट्टाका सम्म
तिम्रा जोडका जोर्नीहरू
छयालीस, सच्चालीस
ए’होई नेता साथी
हात पार्यौं कति
बतौ त !
मुलुकी माटोमा..

अनि भन्यौ
भरोसाको अभ्यास
बैसठ्ठी त्रीसठ्ठी
गरिबी घटाघट
घटाउ गर
केमा के घटायौ ?
उल्टै बढायौ
गरिबीको गुणन
ए होई नेता साथी अलिकति
जतौ त !
मुलुकी माटोमा

बीच्चैमा थप्यौ
समृद्धिको भागा
लघुत्तम, महत्तम खै के के हो
अल्जेब्राको अजीव
समीकरण अङ्क र अक्षर
पाइलै पिच्छेको अल्झो
ए’होई नेता साथी
अलिकति
सिकौ त !
मुलुकी माटोमा..

निराशाको बीऊ
अठहत्तर उनासी
एक पछि अर्को
अब र तब, ह्यान् र त्यान्
तिम्रा काइते हिसाब
हामीले बुझेनौं
प्रश्नै माथि प्रश्न हो
तिम्रो उत्तरको अपेक्षा
बाटो कता हो ?
ह्वा….
तिम्रा हिसाबका हर्कतहरू
अब घण्टी बज्यो
समय सक्कियो
ओई नेता साथी
उप्रान्त दिनगन्ती
गरौ त !

०००
सिन्धुली
हाल टेक्सास, अमेरिका