नेपाली हास्यव्यङ्ग्य अनलाइन पत्रिका

माधवराज दाहाल :

समय ! कर्फ्यू आदेश
था’छैन मेरो छातीको
कुन कुनो ताकिरहेछ,
दिउँसै ऐंठन तुल्य
लम्पसार म
चल्न चट्पटाउन निषेध छ ।
मेरो नीति र उसको नीति बीचको यो पटाक्षेप
पटकपटक,
मेरो जिन्दावाद
उसको मूर्दावाद
मेरो मूर्दावाद
उसको जिन्दावाद
बिलकुल उत्तर दक्षिण ।
आआफ्नै
विरासतको गीत
घडी पला प्रहर
विरासतकै डङ्का पिट्नुको
औचित्य
म मैँ
तिमी तिमी मैँ
हो त ?
यक्ष प्रश्न मेरो
आमने सामने मञ्जुर छ ।

०००
सिन्धुली, हाल अमेरिका