नेपाली हास्यव्यङ्ग्य अनलाइन पत्रिका

प्रमोद सारंग :

घाँस हाले बरोबर दूध दिन्छ
नहाले लात्ती पनि सहनुपर्छ
मेरो गोठको गाई राष्ट्रवादी छ ।

मुखौरो नहाले बाली छोड्दैन
जोडले नचुटे खेत जोत्दैन
मेरो गोठको गोरू समाजवादी छ ।

जसले बोलाए पनि
घर गोठ र घरि घरमा कुदिरहने
मेरो पाल्तु कुकुर अवसरवादी छ
मेरो लोभी बिरालो साम्यवादी छ;

यी सबै दृश्यहरू नियालेर
पिँजडाबाट एकोहोरो कराइरहने
मेरो घरको कान्तिकारी सुगा पूँजीवादी छ ।

०००
(२०७० असार)
‘अजयतृप्ति’ बाट ।