नेपाली हास्यव्यङ्ग्य अनलाइन पत्रिका

उपेन्द्र पौडेल :

१)
गजधम्म बसेको छ नजिक पर्नै दिन्न
जनतालाई लित्को पित्को केहि झर्नै दिन्न
जनसेवा गर्छु भन्दै चर्को चर्को भुक्छ
गरिबीको दलदलबाट पारि तर्नै दिन्न ।

२)
चुम्बकका दुवै ध्रुव एउटै भएका छन्
हप्ता असुल उठाउन सँगै गएका छन्
यिनीहरू कुखुरा चोर स्याल जस्तै रैछन्
भूमिगत कामबाट अरबौं लगेका छन् ।

३)
आफै झाँक्री आफै बोक्सी भई खाएका छन्
दिन दिनै गुरूबाको आश्रमतिर धाएका छन्
लैनचौर र महाराजगञ्ज पवित्र छन् यिनलाई
नियम कानून कुल्ची बस्ने वरदान पाएका छन् ।

०००
पोखरा-११, फूलबारी
हालः मेलबर्न, अष्ट्रेलिया ।