साइबर अपराध सम्बन्धी सचेतना सामग्री

साँढेहरू

नदीनाला वनजङ्गल जे पाए नि खान्छन् । बूढा साँढे अझै पनि हलको मेलो धान्छन् ॥ आफूलाई बहर नै ठान्छन् बूढा साँढे । पाएसम्म कोरली नै छान्छन् बूढा साँढे ॥

Nepal Telecom ad

वासुदेव ठकुरी :

बिना मियो दाइँमा घुम्छन् यो देशका साँढे ।
नीति नियम केही मान्दैनन् यिनले देशै भाँडे ॥
कहिले यता कहिले उता छँटाएका साँढे ।
सिंहदरबार छिरेपछि मोटाएका साँढे ॥

कहिले कुर्सी तान्छन् साँढे कहिले कुर्सी हान्छन् ।
सबैभन्दा शक्तिशाली आफैँलाई ठान्छन् ॥
जुरो हल्लाई डुक्री हिँड्छन् देशभाँडा साँढे ।
ठुटे सिङले अर्कालाई हान्छन् साँढा साँढे ॥

देश उजाड भइसक्यो यिनले सबै फाँडे ।
कहिले नि नअघाउने यी अगस्ति साँढे ॥
धेरै खाई अटेसमटेस भए जुरे साँढे ।
कोही खान नपाएर भए लुरे साँढे ॥

अघि बढ्न खोज्नेलाई सधैँ छिर्के हान्छन् ।
अर्को माथि गयो भने त्यसको खुट्टा तान्छन् ॥
कहिले हिँड्छन् डुक्रिएर गल्ली सडकमा ।
देखाउँछन् गाईजात्रा कहिले सदनमा ॥

नदीनाला वनजङ्गल जे पाए नि खान्छन् ।
बूढा साँढे अझै पनि हलको मेलो धान्छन् ॥
आफूलाई बहर नै ठान्छन् बूढा साँढे ।
पाएसम्म कोरली नै छान्छन् बूढा साँढे ॥

०००
तारकेश्वर- ९, काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
मुला

मुला

वासुदेव ठकुरी
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x