हेमनाथ घिमिरेम ‘अपराधी’ मतदाता
यो ‘भेडो’ लाई होस नै छैन सरकार । मैले नै हो हजूरलाइ ‘मौसूफ’ बनाएको हो सरकार ‘अपराधी’ मै हूँ गर्धन हाजिर छ ख्वामित् !!
हेमनाथ घिमिरे :
हो, सरकार !
हो, ख्वामित् !!
‘अपराधी’ म नै हूँ
‘भेडो’, ‘गधा’, ‘कुकुर’
जे भने पनि भनिबक्सियोस् सरकार
त्यो मै हूँ ।
किनकि
मैले नै आँखा चिम्लेर
पूर्ण विश्वासमा पारिएर
ख्वामितलाई मतदान गरेको थिएँ
स्वेच्छाले ‘दान’ गरेको थिएँ
वा के हो के होइन
यो ‘भेडो’ लाई
होस नै छैन सरकार ।
मैले नै हो हजूरलाइ
‘मौसूफ’ बनाएको
हो सरकार
‘अपराधी’ मै हूँ
गर्धन हाजिर छ ख्वामित् !!
०००
चितवन
Subscribe
Login
0 Comments
Oldest
