साइबर अपराध सम्बन्धी सचेतना सामग्री

भानु बाजे

भागबन्डा पाएपछि सबै कुरा मिल्छ खान पाए विराेधीले अलकत्र निल्छ । सत्य कुरा बाेल्नु हुन्न मुखै खाेल्नु हुन्न अराजक भनी भानु छैन बेर थुन्न ।

Nepal Telecom ad

रामप्रसाद पन्थी :

नेपालीमा किन काव्य लेखिदियाै भानु
तिम्रा पछि लाग्ने हामी कतातिर जानू ?

युवा किन छाडी हिड्छ नेपाल याे देश
बुढाखाडा लाैरी टेक्ने रहे कि त शेष ?

शिक्षालय नेपालीमा कुरा गर्न दिन्न
छाेडिसके केटाकेटी शब्दहरू चिन्न ।

पढ्ने काेही छैन यहाँ छैन कुराे बुझ्ने
सानाठुला सबै भए पैसातिर कुद्ने ।

घाँस काट्ने घाँसी दाइ छैन गाउँघर
भेटे जति मान्छे भन्छ सहरमा झर ।

भत्किसके पाटीपाैवा पुरिए नि कुवा
मर्मतमा लाग्नु पर्छ भन्ने छैन युवा ।

तिम्रा युग गए भानु आए नाैला दिन
भन्छन् काव्य नारी हेप्ने लेखे भानु किन ?

किन लेख्याै बधुशिक्षा भानु बाजे भन
कुँडाएर छाेडिदियाै बुहारीका मन ।

गजाधर साेतीसित के काे लिनुदिनु
घरघर डुली किन उपदेश दिनु ?

किन लेख्याै रामायण किन रामगीता
किन मान्याै हनुमान किन रामसीता ?

सत्य,सेवा ,न्याय , धर्म थला परिसक्याे
मानिसमा मानवता सबै मरिसक्याे ।

कैकयीले चल्छन् चाल मन्थराकाे साथ
राममाथि भरतले हान्छन् यहाँ लात ।

यहाँ पाेल्छन् मानिसका शरीरले इटा
आमा बेची छाेरा छाेप्छन् रूपियाँका बिटा ।

भ्रष्टाचारी कानुनकाे रखबारी गर्छ
सरकारी ढुकुटीले घ्याम्पे भुँडी भर्छ ।

सरकार चलाउछ दलालकाे नेता
दीक्षान्तमा ओैंठा छाप बाँधी बस्छ फेटा ।

भागबन्डा पाएपछि सबै कुरा मिल्छ
खान पाए विराेधीले अलकत्र निल्छ ।

सत्य कुरा बाेल्नु हुन्न मुखै खाेल्नु हुन्न
अराजक भनी भानु छैन बेर थुन्न ।

म त भन्छु नबाेलेरै बसाैं चानुमानु ।
बिनासित्ती खाेरभित्र हावा किन खानू ?

०००
मिति २०८२।३।२९
रेसङ्गा न पा २ गुल्मी

Subscribe
Notify of
guest

0 Comments
Oldest
Newest Most Voted
Nepal Telecom ad
चैतकाे बाँदर

चैतकाे बाँदर

रामप्रसाद पन्थी
दशैंसँगै रित्तिएकाे मन

दशैंसँगै रित्तिएकाे मन

रामप्रसाद पन्थी
सातामा विदा सात दिन

सातामा विदा सात दिन

रामप्रसाद पन्थी
ढाेग दियाँ

ढाेग दियाँ

रामप्रसाद पन्थी
झिङ्गे दाउ

झिङ्गे दाउ

रामप्रसाद पन्थी
मोबाइलको ठाँडो

मोबाइलको ठाँडो

रामप्रसाद पन्थी
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x