रामप्रसाद पन्थीझिङ्गे दाउ
सुरू भयाे साेह्र श्राद्ध आइसक्याे दसैं कर्महारा अभागीकाे छैन थात बासै । धुरूधुरू रूहाएर अघाएन मन कति खुसी मिल्याे प्रभु तिमीले नै भन ?
रामप्रसाद पन्थी :
भदौ दस भाेटेकाेशी आलै छँदा घाउ
असाैजकाे भारी वर्षा खेल्याे झिङ्गे दाउ ।
आँसुमाथि आँसु थपी पीडामाथि पीडा
शाेकमाथि दैव कस्ताे बजाउँछस् वीणा ?
साता दिन सम्म आयाे नफेरेर सास
देशैभरि झरीले नि लायाे उठी बास ।
कतै खाेला बढेका छन् कतै पैह्राे गयाे
घर-गाेठ थात- बास साेहाेरेर लयाे ।
हिडी सक्नु छैन बाटाे भेल बाढी हिलाे
गरिबकाे जिन्दगानी भयाे दुःखजिलाे ।
आँधी हुरी चलेकाे छ रूख ढलेका छन्
घरभित्रै मुल फुटी कुला चलेका छन् ।
भकारीमा अनाजकाे छैन केही दानाे
हुरी आई उडाएर लग्याे पाली छानाे ।
कुर्सुलाकाे ढिस्काे झरी आधा घरै चाट्याे
यता आधा आँगनीमा धाजा धेरै फाट्याे ।
गाेठभित्र बाँधिएका भैंसी गाई गाेरू
बाढी आई बगाएर लग्याे कसाे गरूँ ?
काम गर्न खाेला तरी पारी जानू पर्ने
पक्की पुल झाेलुङ्गे नि लयाे कसाे गर्ने ?
करेसाका झालपात थिच्नुसम्म थिच्याे
खाेलाे पसी खेतभित्र मिच्नुसम्म मिच्याे ।
काेदाे मकै धान केही छैन खेत बारी
कति दिन बाँचिएला भाेकाे पेट टारी ?
बनाउन सकिदैन बास बाँचुञ्जेल
विद्यालय भित्र बास गर्ने कतिञ्जेल ?
सुन्छु उता आफन्तकाे घर चिर्काे पर्याे
सुत्केरी ती आमासितै काखे बच्चा मर्याे ।
विजुलीका पाेल ढले अन्धकार भयाे
सूचना र सञ्चारकाे मेलाेमेसाे गयाे ।
भागी जाऊँ टाढा कतै भने कहाँ जाऊँ
कसाे गरी छाेडूँ बरै आफ्नो जन्म ठाउँ ?
सुरू भयाे साेह्र श्राद्ध आइसक्याे दसैं
कर्महारा अभागीकाे छैन थात बासै ।
धुरूधुरू रूहाएर अघाएन मन
कति खुसी मिल्याे प्रभु तिमीले नै भन ?
०००
२०८३ आश्विन ११ आइतबार
(साेह्र श्राद्ध प्रारम्भ / प्रतिप्रदा श्राद्ध)
रेसुङ्गा न पा २ , गुल्मी
Subscribe
Login
0 Comments
Oldest
