नेपाली हास्यव्यङ्ग्य अनलाइन पत्रिका

रविन तिम्सिना काेर्काली :

हेलो
आज बिहानै आवा आयो
फोन, म्यासेन्जर, भाइवर, ह्वाटसएप, ईन्स्टग्राम आदिको जमानामा आवा…..
म तीन होइन ७/८ छ्क्क परेँ
उतावाट आवाज आयो
अचम्म लाग्यो होला
मैले मन्द स्वरमाभने हो !!!
फेरि भन्यो
यस्तै हो- अनौठो नमान्नु
आमा वलात्कृत हुँदा
बाबुको नाक काटिँदा
खुशी हुने छोराछोरी जन्माएसी ।
ऊ अट्टहास हाँसो हाँस्यो
म सुनेको सुन्यै भएँ
अब म
अब म हत्या गर्छु, बलत्कार गर्छु, डकैती गर्छु
गाँजा, चरेस, हिरोइन, कोकिन बेच्छु …
पेशेवार अपराधी बन्छु।
ऊ जोड जोडले भन्दै थियो, मैले सोधे किन ?
भुत्रा किन
मन लाग्यो गर्छु
कसले के गर्ने मलाई ?
तिम्ले विधि मान्नु नपर्ने ,
नियम मान्नु नपर्ने, मैले किन पर्ने ?
तिम्ले कानुन मान्नु नपर्ने मैले किन मान्ने ?
तिम्ले संविधान मिच्दा हुने मैले किन नहुने ?
तिमीमा सनक चड्दा जय जयकार
मलाई किन कानुन ?
तेसिमा झ्याक्ने हो
तिमेरुलाई तीरले हानेर मार्नु पर्ने
चकाना चकाना पारेर काट्नु पर्ने
भेटुँ मात्र न न न न ……..
ए बाबा कसलाई आवा गर्नु भा होला
मनमनै सोच्दै थिएँ …..
फोन तिम्रा पिएले उठाउँछन्
बोल्न दिँदैनन्
सामाजिक सन्जालमा तिमी बोल्दैनौ
अनि आवा नगरे के गर्नु त हे नालायक प्रधानमन्त्री ।
उसको कुराले ममा झड्का लाग्यो ।
रङ नम्बर  मैले फोन काटिदिएँ !

०००
हिलीहाङ, पाँचथर