नेपाली हास्यव्यङ्ग्य अनलाइन पत्रिका

यहाँका सब गल्ली अनि चोक उही पुरानै हो
नयाँ नौलो केही छैन सबथोक उही पुरानै हो

धेरै पछि भेट हुँदा नि उही भाव छ मुहारमा
तिमी बिना मर्छु भन्यौ ‘जोक’ उही पुरानै हो

को छ कुन्नि त्यों दिलमा मेरो चाहिँ सत्य भन्छु
यो दिलमा पीरतिको भोक उही पुरानै हो

उस्तै रैछ अझै पनि शान तिम्रो आडम्बरको
छिन छिनमा घुर्क्याउने झोक उही पुरानै हो

यो छातिको देब्रे पाटो दुख्छ मेरो घरिघरि
बल्झिएको मात्रै अहिले रोग उही पुरानै हो ।

काठमाडौं