नेपाली हास्यव्यङ्ग्य अनलाइन पत्रिका

तँ भन्ने व्यक्तिका लागि हजूरै भन्नु पर्दैछ
नफल्ने ताडको पोथ्रो खजूरै भन्नु पर्दैछ ।।

यहाँ यस्तै छ है साथी नगर्ने गर्नु पर्दैछ
गधाको चेहरा बाको मुहारै भन्नु पर्दैछ ।।

बडा नामी गुनी ज्ञानी कता लागे कता लागे
छ कालो काग यो किन्तु मजूरै भन्नु पर्दैछ ।।

न बाँकी धर्मको छाया न ता भो कर्मको मायाँ
इसाई चर्चको टुप्पो गजूरै भन्नु पर्दैछ ।।

कटाई सिङ बुढो साँढे बहरका साथ खेल्दैछ
बुढौतीको नशालाई सरूरै भन्नु पर्दैछ ।।

कमलपोखरी, काठमाडौं