साधुराम कोमलनाथ रिमालजिब्रो चलाएझैं हुन्न यहाँ
तातो खाना बा–आमाले, पकाएझैं हुन्न यहाँ
अप्ठेरोमा छिमेकीले, सघाएझैं हुन्न यहाँ ।
फलैंचाको गुन्द्रीमाथि, पलेटीमा कस्सिएर
कुरुकुरु मकै भटाँस, चपाएझैं हुन्न यहाँ ।
बोटै मर्छ ओगमुनि, के फक्रलान् फूलहरू ?
कौशीमाथि गमलामा, सजाएझैं हुन्न यहाँ ।
उकुस् मुकुस् बाँच्नु पर्छ, पसिनाको अमिलोमा
कपडामा छुस्स अत्तर, लगाएझैं हुन्न यहाँ ।
तितो टर्रो यथार्थलाई, आँखा चिम्ली निल्नु पर्छ
फड्कारेर ट्वाक्क जिब्रो, चलाएझैं हुन्न यहाँ ।
नाङ्लेभारे– ५, काठमाडौं
हाल : युएइ, दुबई
Subscribe
Login
0 Comments
Oldest
