धनराज गिरीकोइलामा साबुन दल्ने काम
कोइलामा साबुन दल्ने काम पाएको छु
अर्कै हुँ म, तर गुरु नाम पाएको छु ।
के पढाउनु ? बालुवामा पानी हालेजस्तो
जे भए नि गर्जो टार्ने दाम पाएको छु ।
बनाउँछन् कुरुक्षेत्र धाम शारदाको
यसो गर्ने ‘चारतारे र वाम’ पाएको छु ।
भएको छ अभिशाप कालो राजनीति
जता जान्छु भाँडभैलो ठाम पाएको छु ।
दिक्क थिएँ दुनियाँको देखी चालामाला
राहत दिने भाइ ‘मुमाराम’ पाएको छु ।
चितवन
Subscribe
Login
0 Comments
Oldest
