नेपाली हास्यव्यङ्ग्य अनलाइन पत्रिका

१.
उठाइँदै छन् यहाँ आफैं विवादका पर्खालहरू
बुनिँदै छन् नच्यातिने षडयन्त्रका जालहरू
यो धरातल कसरी पो हुन्छ र खै हराभरा
यहाँ मालामाल हुँदै छन् मतलबी दलालहरू ।

२.
बाहिर मात्र सहमतिका कुरा हुन्छन् यहाँ
भित्र कैंची, करौंती र कुरा हुन्छन् यहाँ
विश्वासको सङ्कट झाङ्गिरहेको छ अझै
विना निष्कर्ष नै वार्ता पुरा हुन्छन् यहाँ ।

३.
आज भोलि राजनीति बाङ्गिएको छ
जताततै विकृति झाङ्गिएको छ
सभ्यताको उत्कर्ष हो सायद यस्तो
हेर्दा हेदै संस्कृति नाङ्गिएको छ ।