नेपाली हास्यव्यङ्ग्य अनलाइन पत्रिका

खाजा खायौ भनी सोद्धा खाको छैन भन्छे
खाने हो त भन्दा बेला भाको छैन भन्छे ।

मायाँ लायौ भनी सोद्धा लाको छैन भन्छे
लाउने हो त भन्दा उमेर गाको छैन भन्छे ।

बैँस दायौ भनी सोद्धा दाको छैन भन्छे
दाउने हो त भन्दा रहर छाको छैन भन्छे ।

कतै धायौ भनी सोद्धा धाको छैन भन्छे
धाउने हो त भन्दा मनले खाको छैन भन्छे ।

के पायौ त भनी सोद्धा पाको छैन भन्छे
पाउने हो त भन्दा मनै लाको छैन भन्छे ।

धादिङ