नेपाली हास्यव्यङ्ग्य अनलाइन पत्रिका

तिमी ज्योति मात्र होइन महाज्योति हुनुपर्छ
यो धरतीको एउटा अमूल्य सम्पत्ति हुनुपर्छ ।

मान्छेहरू कोही सेता कोही काला मनका छन्
तिमी काला मनहरूका लागि विपत्ति हुनुपर्छ ।

आज जति छ त्यसमै चित्त बुझाएर हुँदैन
योभन्दा अझै तिम्रोे होनहार प्रगति हुनुपर्छ ।

काँडा रोप्न थुप्रै आउलान् तिमीलाई अनुनय गर्न
ख्याल गर है ! यसमा तिम्रो विमति हुनुपर्छ ।

जिन्दगी लामो छ बग्नू अविरल बगिरहनू
तिमी टुकुचा होइन सङ्लो बाग्मती हुनुपर्छ ।

हेटौडा