नेपाली हास्यव्यङ्ग्य अनलाइन पत्रिका

१.
रित्ता डाला डोकाहरू छन्
समस्याका पोकाहरू छन्
अपच डकार्छन् महलभित्र
तर झोपडीमा भोकाहरू छन् ।

२.
मलाई बेकार अलमलमा फसाउन नखोज
निष्कर्षहिन छलफलमा फसाउन नखोज
प्रसन्न यसै छु पसिनाको कमाइले म
भ्रष्टाचारको दलदलमा फसाउन नखोज ।

३.
अन्धकारमा बत्ती बनी बल्नेहरूको खाँचो छ यहाँ
परोपकारी वृक्ष बनी फल्नेहरूको खाँचो छ यहाँ
निकै दुर्गन्धित छ बाटो भ्रष्टाचारको फोहोरले
सदाचारको विधिबाट चल्नेहरूको खाँचो छ यहाँ ।

४.
बाजा उही तर सुर ताल फरक भो
नदी उही प्रवाहको छाल फरक भो
जनताको पुकार सुन्ने छैन समय नै
जितेपछि नेताजीको चाल फरक भो ।