आनन्द श्रेष्ठदुष्ट मान्छे
अद्भूत–अद्भूत साधनामा लाग्दैछ है दुष्ट मान्छे
अन्त्येष्टिको चाहनामा लाग्दैछ है दुष्ट मान्छे ।
धनको अघि लुब्ध बन्छ, दैवी शक्ति पाउँ भन्छ
दानव दैत्य थापनामा लाग्दैछ है दुष्ट मान्छे ।
कैले मनै बहलाउँछ, अघि पछि गर्दै हिँड्छ
शक्तिशाली प्रार्थनामा लाग्दैछ है दुष्ट मान्छे ।
झुक्याउन नि कति बाठो सयौं पटक ढाँट्न सक्छ
गल्ति गर्दै याचनामा लाग्दैछ है दुष्ट मान्छे ।
देख्दा सोझो मर्ला जस्तो, कपट रै’छ छातीभित्र
मानसिक यातनामा लाग्दैछ है दुष्ट मान्छे ।
काठमाडौं
Subscribe
Login
0 Comments
Oldest
