नेपाली हास्यव्यङ्ग्य अनलाइन पत्रिका

देशलाई गहुँ जसरी चुटे
त्यसपछि धूलो पिठो पारे
खोलाका खोला रगत आँसु हालेर मुछे
रास्ट्रियताको ट्रेमा राखे
त्यसमा फेरि असहिष्णुता थपे
केहि अराजक स्वादको क्रिमको तह बनाए ।

विग्रहको रंगलाई अझ गाढा पारे
स्वार्थका दुर्गन्ध धेरै नै छर्के
अनि अस्थिरताको आँचमा पकाए ।

त्यसपछि पाक्यो, देश एउटा केक सरह
सजायो त्यसपछि एउटा खुल्ला शो केशमा
साथमा राख्यो एउटा चुपी पनि !

अनि बिज्ञापन गरे …
रास्ट्रिय दैनिकहरूमा
टेलिभिजन च्यानलहरूमा
एफ एम स्टेसनहरूमा ।

केक भाग लाउन
एकलौटी नै चाख्न
तँछाढ मछाड छ ।

के देश केक बनेकै हो त ?