नेपाली हास्यव्यङ्ग्य अनलाइन पत्रिका

आकाशको बयान गर्छन् मेरा बा’का अगाडि !
धर्तिको महिमा गाउँछन् मेरी आमा अगाडि !

उनीहरूले नै बा आमालाई द्यौता हुन भन्छन्
जस्ले आश्रममा छाडेर आए आँखा अगाडि !

कोही आफ्नै मानकमा विजेता घोषणा गर्दै,
छु सबैमा अग्लो भन्छ सगरमाथा अगाडि !

मलाई माया गर्दैन भन्ने मुद्धा लगाएर,
अश्रु देखाउँछन् मेरै आँखाको रारा अगाडि !

उसैले सपथ खुवायो आज देश भक्तिमा,
जो परदेशका लागि सार्छ पाइला अगाडि !

गुल्मी