नेपाली हास्यव्यङ्ग्य अनलाइन पत्रिका

न्याय खोज्छन् कोहि, काल दिन्छ सरकार
राहत खोज्छन् कोहि, पाल दिन्छ सरकार ।

खुलेआम घुम्छन, चोर डाँकाहरू
निमुखालाई जेलमा, हालदिन्छ सरकार ।

आयो बाढी पहिरो, लग्यो सारा हाम्रो
भरे भोलि भन्दै, टालदिन्छ सरकार ।

दुइ किलो चिउरा, दुई प्याकेट चाउचाउ
हेलिकोप्टरबाट, खसालदिन्छ सरकार ।

अब पनि यस्तै, चलिरन्छ भने
साधुरामले एक्लै, ढालदिन्छ सरकार ।

नाङ्लेभारे– ५ काठमाडौं
हाल युएइ, दुबई