मरुभूमि नारायणकुर्सीकै खिचातानी
अर्कैको मुख ताक्ने हामी स्वाभिमानी
किनेर खानुपर्छ थुप्रै बोतल पानी ।
बेच्नु पर्ने हो हामीले बरु विदेशमा
पानी भन्दै मरिन्छ तनक्क आङ तानी ।
मेलम्चीको आसले कत्तिको सास गयो
रोक्नुपर्छ योजना हामी आफैं जानी ।
पानीको यो देशमा लोडसेडिङको बास छ
सदा बत्ती बले भुत्रो चाहियो विहानी ।
अर्कैले गरि देला, मेरो भुँडीभरि देला
यस्तै सोच्ने आहा ! कति राम्रो बानी ।
प्रगतिको कुरा छैन आडम्बरी खोक्रो
यो देशको प्रगतिमा कुर्सीकै खिचातानी ।
तनहुँ
Subscribe
Login
0 Comments
Oldest
