नेपाली हास्यव्यङ्ग्य अनलाइन पत्रिका

यतिखेर तिमी केही नबोल
धोकाधडीको यो क्षणमा तिमी बोल्दा
मुखबाट आगो निस्कन सक्छ
तिमीले अहिल्यै आगो बाल्नुहुँदैन
बरु सलाईहरू ठिक पारीराख
जोरजाम गर्दैगर बारुदका पेटीहरू
किनकि पृथ्वीको आयु अझै लामो छ
सम्झ– तिमी मिठो सार्दिन भयौ तिनीहरूका लागि
उनीहरू सार्क थिए,
त्यसैले चपाए तिम्रा सपनाहरूलाई
गोही थिए उनीहरू उही तालका
तर चिनेनौ तिमीले
किनकि, उनीहरूको आवरण सार्दिनकै थियो
आज चिन्यौ उनीहरूलाई
चिनिमात्रै राख
बरु पत्तिहरू तयार पार
तिनका भीमकाय भुँडी चिरेर
तिम्रा–हाम्रा निलिएका सपनाहरू पुनः निकाल्नुपर्छ ।
गोरखा