साधुराम कोमलनाथ रिमालबिहे गरेपछि
परिवर्तन हुन्छन् कति, बिहे गरेपछि
सिस्नोबाट लज्जावती, बिहे गरेपछि ।
कुरा गरी थाक्दैनथे, प्रेमिका र प्रेमी
बोल्नै छोडे पत्नी पति, बिहे गरेपछि ।
दिनैपिच्छे झैझगडा, ग्रहै नमिलेका
हुँदो रैछ सहमती, बिहे गरेपछि ।
फर्की फर्की हेर्ने गर्थे, बाटो हिँड्दा पैले
आँखा तर्छन् भेटेजति, बिहे गरेपछि ।
एकैछिन नभेटेमा, छट्पटिनेहरू
खुसी छैनन् एकरत्ति, बिहे गरेपछि ।
Subscribe
Login
0 Comments
Oldest
