नेपाली हास्यव्यङ्ग्य अनलाइन पत्रिका

प्रतीक्षा
याद गर !
अब एक दिन–
सबै राज्यका सीमाना मेटिएर
सीमानाहीन सीमानाको
विश्व एउटै राज्य बन्नेछ –धरणी भरिको ।

सुरुआत
धेरै समय अल्मलियौ अब अगाडि हिन
जुलुश, आन्दोलन र नेपाल बन्दलाई फालौं ‘डष्टबिन’
नेपालीहरू हो, अब आफ्नो हैसियत चिन,
‘नयाँ कोट लगाऊ, पुस्तक किन्दै नकिन ।।’

योग्यता
स्कुल बिस्कुनझैँ छरिएपछि
क्याम्पस ‘टायम पास’ भएको छ ।
रोजगार बन्न चाउचाउ नै किन्नु परेपछि
योग्यता र दक्षता सबै धराशायी बनेको छ ।।

पेवा
रगतले बेसाएर ल्याएको प्रजातन्त्र
मन्त्री, मन्त्रीपुत्र र मन्त्राणीको पेवा भो ।
कुराको चाङ् हौसिएर काम हराएपछि
राजनीति त उल्टै जनताले नेतालाई गर्ने सेवा भो ।
मन्थली, रामेछाप