नेपाली हास्यव्यङ्ग्य अनलाइन पत्रिका

शिवरात्रीको ब्रत
नाङ्गा देवता भोका भक्त

मन्दिर बाहिर पैसा माग्ने
मन्दिर भित्र छ आशिक माग्ने
माग्ने माग्ने सब संसार
दाता शिवजी नाङ्गेझार !

न पार्वती छन् न त गणेश
एक्ला शिवजी भस्म छ भेष
गाई छैन साँढे छ मस्त
नाङ्गा शिवजी भोका भक्त !

बिच बिच नागा जोगी मेला
भक्त भक्तिनी ठेलम ठेला
गाँजा गँजेडी भँगेडी मस्त
नाङ्गा देवता भोका भक्त ।

भक्त छ अर्को भोजन बाँड्दै
व्यापारी ऊ व्यस्त छ ठग्दै
भक्ति भाउमा सबजन मस्त
(भाव होइन, बजार भाउ हो !)
नाङ्गाा देवता भोका भक्त ।

कैलाशमा अब म्लेक्ष जान्छन्
नाङ्गै हिँडे पुलिस समात्छन्
बाघको छाला तस्कर त्रस्त
नाङ्गा देवता भोका भक्त !
काठमाडौं