जे. सागरछोटे महाराज
देशभक्तिका विज्ञापन बिक्न छाडेछन्,
केवल मिठा आश्वासन बिक्न छाडेछन् ।
अब प्रष्ट हुनुहोस् छोटे महाराज,
भाइ फोर्ने आन्दोलन बिक्न छाडेछन् ।
थाहा पाए भक्तले इश्वर मनमै छन्
ढुङ्गा पुज्ने प्रवचन बिक्न छाडेछन् ।
सुनको आशा देखाई नुन लुट्नेको
ती दोहोरो आचरण बिक्न छाडेछन् ।
जन‘सागर’ यै भन्छ केवल नेपाल सोच
उत्तर दक्षिण सम्बन्धन बिक्न छाडेछन् ।
पेप्सीकोला, काठमाडौँ
हाल– आबुधाबी (यू.ए.ई.)
Subscribe
Login
0 Comments
Oldest
