नेपाली हास्यव्यङ्ग्य अनलाइन पत्रिका

म खान्छु मिठो खाना म मिठो मन पराउँछु
नपाए म मिठो खान आफैं खाना पकाउँछु ।

म सुँघ्छु बासना मिठो सुगन्ध मन पराउँछु
नपाए वासना सुम्घ्न आफैं अत्तर बनाउँछु ।

म सुन्छु मिठो सङ्गीत नृत्यमा खुब रमाउँछु
नपाए सुन्न केही गीत आफैं बाजा बजाउँछु ।

म हेर्छु दृश्य सब सुन्दर सुन्दरता मन पराउँछु
नदेखे केही सुन्दर कल्पनामा म रमाउँछु ।

म छुन्छु नरम कोमल, कोमलता मन पराउँछु
भेटिए कडा खस्रो त्यसमै तेल लगाउँछु ।

सिँगार्छु देश यो मेरो सिङ्गै देश सजाउँछु
नसके पुरै देश, आफ्नो आँगन सजाउँछु ।
काठमाडौं