नेपाली हास्यव्यङ्ग्य अनलाइन पत्रिका

यो शहर खुल्ला अजायब घर भएको शहर
ल हिंड्नुस मसँगै यदि छ इतिहास बुझने रहर

–यो बिराटनगर जुट मील देशकै पहिलो ठूलो उद्योग
चालु हुँदै बन्द हुने, यसलाई लागेको छ रोग ।

–यो नजिकै अर्को मृत प्रायः मोरङ सुगर मील रहेछ
चिनीलाई नून अर्थात साल्टले जिम्मा लिएपछि लडेछ ।

–यो जुट मील भित्र रेल पटरीमा उम्रेको छ जंगल झाडी
यहाँ भित्रसम्म पहिले आउँथ्यो छुक छुक रेलगाडी ।

–यो छ पावर हाउस बिराटनगरसम्म बिजुली पुर्याउने
अहिले भएको छ खण्डहर, कसलाई पीडा सुनाउने ।

–यो छ बिराटनगर जुट मीलको चर्चित वर्कसोप
यहीँ बनेको थियो राणा ढाल्ने पहिलो टेङ्कतोप ।

–यो छ प्रजातन्त्रको बिगुल फुक्ने हडताली हाट
जसले पुर्याइदियो राणा शासनलाई आर्यघाट ।
विराटनगर