नेपाली हास्यव्यङ्ग्य अनलाइन पत्रिका

भ्रष्टाचार निवारण गर्नु पर्छ
भ्रष्टाचार नै नभए भ्रष्टाचार निवारण कसरी हुन्छ ?
त्यसैले भ्रष्टाचार निवारण सफल पार्न भ्रष्टाचार गर्नु पर्छ पर्छ ।

सहिदका सपना साकार पार्नु पर्छ
कोही सहिद नै नभए कसका सपना कसरी साकार पार्ने ?
त्यसैले आन्दोलन क्रान्ति जे गरेर भए पनि सहिद त बनाउनै पर्छ पर्छ ।

बजार भाउ सस्तो बनाउनु पर्छ
महँगी नै बढेन भने बजार भाउ कसरी सस्तो बनाउने ?
त्यसैले जे गरेर हुन्छ बजार भाउ त चर्काउनु पर्छ पर्छ ।

गरिबी निवारण त झन् नगरी हुँदैन
गरिबनै रहेनन् भने गरिबी निवारण त झन् हुँदै हुँदैन
त्यसैले धनीलाई गरिब बनाएर भए पनि गरिबको जमात नबढाई हुँदैन ।

देश विकास त गर्नु पर्छ
अविकसितको पो विकास गर्ने हो, पहिल्यै विकसितको के विकास गर्नु ?
त्यसैले देश विकास गर्न पनि त देश अविकसित त राख्ने पर्छ पर्छ ।

यो देश समाज अहिले जस्तो छ त्यस्तो नभएको भए
मैले के लेख्थे हुँला, तपाई के पढ्नु हुन्थ्यो होला ?
त्यसैले देश समाज जस्तो छ, ठिक छ, यो यस्तै राखी रहनु पर्छ पर्छ ।
काठमाडौं