जीवनपानीपालो
आफ्नो मूल्य बताउने अब भाउको पालो
भाउसँग मूल्य सोध्ने अब साउको पालो ।
दुखेका छन् घाउहरू घातहरू बिझ्नाले
घातलाई दुखाउने अब घाउको पालो ।
शिर तल खुट्टा माथि भएको छ समय
आकाशका तारा छुने अब पाउको पालो ।
सधैं आमा बन्नुपर्दा आमाहरू थाकेका छन्
छोराछोरी जन्माउने अब बाउको पालो ।
सिङ् लडे, टाउका लडे, पुच्छर लडिसके
जिताउने हराउने अब दाउको पालो ।
Subscribe
Login
0 Comments
Oldest
