नेपाली हास्यव्यङ्ग्य अनलाइन पत्रिका

डाइनासोरहरू धरतीमा घुम्थे
तिनीसँग नेता लुकामारी खेल्थे
तिनका अण्डा चोरी चोरी खाए
अण्डा जत्ति सब सिद्धयाए
अनि डाइनासोर लोप गराए
बाँकी हाम्रा नेता रहे
यति पुराना नेता भए ।

इतिहास विषय छँदै थिएन
हिमाल फुच्चे अग्लो थिएन
बिजुली, रेडियो, टिभी, थिएन
कम्प्युटर टेलिफोन केहि थिएन
सप्पै ब्ल्याक एण्ड ह्वाइट हुन्थ्यो,
अन्द्रधनुष पनि रंगिन थिएन
कति ढुंगे युग आए गए
बाँकी हाम्रा नेता रहे
यति पुराना नेता भए ।

जिउ हेर्दा तिते करेला
किसमिस जस्ता यिनका गाला
छोकडा ठानी कोहि खाला
सेतै फुलेका घोप्टे परेला
कयौं सभ्यता आए गए
बाँकी हाम्रा नेता रहे
यति पुराना नेता भए ।
काठमाडौं