नेपाली हास्यव्यङ्ग्य अनलाइन पत्रिका

भैगो अब राहत नबाँड
व्यक्ति स्वार्थ लिएर
मानिस, चौपायहरूको मृत्युमा
चौरासी ब्यञ्जनका कुरा गरेर
भूमिमा लतपतिएको रगत देखेर
मुखबाट र्याल नकाडे हुन्छ
नङ्ग्रा घोटेर
पसिना बगाएर
आँसुका पर्खाल सुरक्षा गर
भैगो र्याल काढेर
भुकम्प पीडितहरूको
राहत नखोस
तिमीले राहत बाँड्नु पर्दैन
राहत बाँडेको गर्व गर्नुपर्दैन
नेल लगाउनु पर्छ
हर्षका साथ
मुक्का प्रहारबाट, राहत वितरण हुन्न
हामीलाई थाहा छ
सञ्चारमा मुड्की बजारेर
स्यौला झुण्ड्याएको देखाएर
अल्लो नदेखाए हुन्छ
हाम्रो धर्तीमा
गणतन्त्रको
धुवाँ उडाएर
मानिसलाई बेकुफ नबनाऊ
जनार्दनहरूका मनमा ठेस लगाएर
तिमीले राहत नबाँड ।
कठमाडौं