धाउन छाडेको छैन
ढुकढुकीमा तर्साउन र धाउन छाडेको छैन
भूइँचालो त अझै पनि आउन छाडेको छैन ।
आहतमा नि विदेशी छन्, राहतमा विदेशी
हर क्षेत्रमा विदेशीले गाउन छाडेको छैन ।
के नै पाए नेपालीले मनले चाहे जस्तो ?
नचाहेको दु:ख मात्रै पाउन छाडेको छैन ।
जस्तै कठीन परिस्थिती परे पनि यहाँ
नेपालीले चुहिने मन छाउन छाडेको छैन ।
पालमा होस् कि बरण्डामा बसाई “आनन्द”को
प्रियासँग चोखो माया लाउन छाडेको छैन ।