नेपाली हास्यव्यङ्ग्य अनलाइन पत्रिका

आफू मात्र विद्वान ठान्छन् यो देशमा पागलहरू
अरुलाई मुर्ख मान्छन् यो देशमा पागलहरू ।

उज्यालो छ प्रष्ट तर दुवै आँखा चिम्लिएर
अँध्यारोमा तिर हान्छन् यो देशमा पागलहरू ।

बाहिर यौटा भित्र अर्कै गज दन्त हुनेहरू
तर मारी मारी खान्छन् यो देशमा पागलहरू ।

गोदाममा सडेका छन् अनुदानका चामलहरू
गाउँघरमा बोरा तान्छन् यो देशमा पागलहरू ।

भुईँ ओछ्याई आकाश ओड्छन् विपत्तिमा पीडितहरू
तिन्कै भाग खोसी लान्छन् यो देशमा पागलहरू ।

यो देवीको दुखेको छ मन मुटु नराम्ररी
ह्याकुलो नैँ किन छान्छन् यो देशमा पागलहरू ।
झापा