नेपाली हास्यव्यङ्ग्य अनलाइन पत्रिका

कोहि नाता लम्ब्याउँछन्
कोहि नाता लुकाउँछन्
स्वार्थ पूरा हुन्न भने
बाबुआमा नै लत्याउँछन् ।

समय यो कस्तो आयो
पराईसँग चै रमाउँछन्
गर्नुपर्ने कर्तव्य छैन
लोलोपोतो मिलाउँछन् ।

कोहि बाहिर रमाएर
भित्र भित्रै मन जलाउँछन्
आफ्नो भित्रि मनले हैन
लोकाचारलाई ठिक्क पार्छन् ।

प्यास लाग्दा पानी छैन
घुम्नलाई बिदेश जाऊँ भन्छन्
बुढेसकालको सहारा ठान्थें
पर्खी बस फर्की आउँछु है भन्छन् ।

यहाँ बस्दा भबिष्य बिग्रन्छ रे
बिदेश मै करियर बनाउँछु भन्छन्
नेपालमा बस्नेको प्रगति छैन
बिदेशबाटै शिरदेखि पाउसम्म पठाउँछु भन्छन् ।
काठमाडौं