दुर्गाप्रसाद ग्वालटारेकोदै पेल्न सक्छन्
मैदान मिले खाली, रोजै खेल्न खोज्छन्
भेटे कोल रित्तो, कोदै पेल्न खोज्छन् ।
पछि हट्छन् मान्छे, पिठो मुछ्नु परे
तिनै अघि सरी, रोटी बेल्न खोज्छन् ।
मृग देख्दा खेद्छन्, लुक्छन् बाघ देख्दा
चेपिएकोलाई, झनै ठेल्न खोज्छन् ।
अग्राखको मुढो, भेट्दा मख्ख माझी
खिर्रो आए बग्दै, भेलमै हेल्न खोज्छन् ।
नजिक आई हेर्छन्, समस्याको जालो
फुकाउनु साटो, उल्टै जेल्न खोज्छन् ।
२०७२ असार
काठमाडौ
Subscribe
Login
0 Comments
Oldest
