पुरूषाेत्तम सिग्देलजंगे पिल्लर कहाँ सरेको छ !
आगनीमा छिमेकीको छाँया परेको छ !
बलेसीमा पानी हैन आँशु झरेको छ !
देशका ठालु भन्नेलाई भागकै लुछाचुँडी,
पत्तो छैन जंगे पिल्लर कहाँ सरेको छ !
सीमानाका वस्ती अब, मानचित्रमा छन् कि ?
किसान दाइले धान हैन नुन छरेको छ !
यात्रीहरू किनारैमा ईश्वर संझीरा’छन्,
माझी दाइ एक्लै–एक्लै नदी तरेको छ !
बुढी आमा देखेँ भन्थिन् सपना नराम्रो
परदेशीको के खबरले, काग– का.. गरेको छ !
गुल्मी
Subscribe
Login
0 Comments
Oldest
