नेपाली हास्यव्यङ्ग्य अनलाइन पत्रिका

नभइ पनि नहुने
नचाहिँ पनि नमिल्ने
खाँचोको तेस्रो नेत्र
राम्रो हँुदा, खुसी हुँदा
बाआमा, इष्टमित्रभन्दा माथिका
संसार भुल्याइ दिन सक्ने
दैवको निर्णय पनि काट्न बाध्य बनाउने
जात हो
श्रीमती ।
रुप फरक
व्यवहार अनेक
अवस्था अनुसार परिवर्तनशील
क्षमतावान, शक्तिशालीको
जात हो श्रीमती
हरेक कुराको ख्याल गर्ने
निगरानी राख्ने
खोज अनुसन्धान गर्न सक्ने
मौका मिले ठाउँको ठाउँ कारबाही गर्न सक्ने
जात हो श्रीमती ।
ढिला, व्यस्त सहन नसक्ने
अरुसँगको सुक्ष्म सम्बन्ध देखी नसहने
भनेको कुरा निर्धारित समयमा नै चाहिने
देखासिखी गर्न मायुर
फूर्ति लगाउनु नै पर्ने
जात हो श्रीमती
हो, बयान धेरै छ
बाँकी थप्ने तपाईंको काम … ।
रामेछाप