वासुदेव पाण्डेयठोसेर आगो पनि बाल्नु पर्छ
ठोसेर आगो पनि बाल्नु पर्छ
गाडी भए इन्धन हाल्नु पर्छ ।
भेटिन्न चोखो बहुमूल्य रत्न
हो धातु खोजेर पगाल्नु पर्छ ।
आमाबुबा बोझ भए कि क्या हो ?
सन्तानले भन्दछ पाल्नु पर्छ ।
यो जिन्दगीमा जति प्वाल पर्छन्
हो सिर्जनाले सब टाल्नु पर्छ ।
यात्रा, बिहे, खेल, पढाइ, खेती
सारा तयारीपछि थाल्नु पर्छ ।
आफैं कहाँ निस्कन सक्छ तेल ?
तोरी छ पेलेर निकाल्नु पर्छ ।
सुर्खेत
Subscribe
Login
0 Comments
Oldest
