दुर्गाप्रसाद ग्वालटारेमिचाहा पो रैछौ तिमी
कठै भन्दै हेप्न खोज्ने, हेपाहा पो रैछौ तिमी
परी आउँदा मिच्न खोज्ने, मिचाहा पो रैछौ तिमी ।
खुलस्त छु सन्तुष्ट छु, पटक पटक भन्ने गथ्र्यौ
मनमा मोसो मुखको चोसो, पेटाहा पो रैछौ तिमी ।
हामी सबै समान छौं, घरी घरी दोर्होयाउँथ्यौ
झुक्याएर पेल्न खोज्ने, पेलाहा पो रैछौ तिमी ।
बाच्छाबाच्छी पाखा पगाई, उग्राउंदै फुँ फुँ गर्दै
गझधम्म बस्न सक्ने, बसाहा पो रैछौ तिमी ।
अभिभावक ठाने तिमिलाई, ओखतीको आशा गरें
टन्टनाई उल्टै दुख्ने, अधाहा पो रैछौ तिमी ।
रक्षा होला भन्ने सोची, दादा भन्दै निहुरी झुकें
अस्मितामा आँखा गाड्ने, बताहा पो रैछौ तिमी ।
२०७२ असोज
काठमाडौ
Subscribe
Login
0 Comments
Oldest
