वासुदेव पाण्डेयउता बुबाले
डेरी म कुर्छु गाई पाल्छन् उता बुबाले
रायो म किन्छु लौका फाल्छन् उता बुबाले ।
छोरो लुगा बदल्दै हिककड्ने हरेक हप्ता
त्यै एक जीर्ण भोटो टाल्छन् उता बुबाले ।
बत्ती गई अँध्यारोमा बस्न बाध्य हामी
निर्धक्क भै दियालो बाल्छन् उता बुबाले ।
छोरा बिहानसम्मै घुर्ने भएर अल्छी
झन् देव आरती नै थाल्छन् उता बुबाले ।
छोरो पढेर नामी संसार हाँक्न खोज्ने
भै क्लान्त बालुवा पो चाल्छन् उता बुबाले ।
सुर्खेत
