धनराज गिरीछिमेकीले यस्तो गर्दा
चट्यांगमाथि चट्यांग पर्दा सहे नेपालीले
छिमेकीले यस्तो गर्दा सहे नेपालीले ।
यता पनि ठगेकै हो ठग्यो हदैसम्म
जंगे पिलर धेरै सर्दा सहे नेपालीले ।
उसको सानो हानि हुँदा गर्छ कोकोहोलो
हाम्रो तीन पुस्ता मर्दा सहे नेपालीले ।
धेरै धेरै भोका नाङ्गा रोइरहेका छन्
धरधरी आँसु झर्दा सहे नेपालीले ।
कस्ता कस्ता रामहरू आए अयोध्यामा ?
जानकीको खुशी हर्दा सहे नेपालीले ।
चितवन
Subscribe
Login
0 Comments
Oldest
