नेपाली हास्यव्यङ्ग्य अनलाइन पत्रिका

पिएँ कहाँ र मैले पिएकाले यसै भन्छन्
पिएर नै कलेजी खिएकाले यसै भन्छन्

गुलाफ हुन्न माला गला काटी नजोडेमा
गला पिएर रेटी सिएकाले यसै भन्छन्

हुँ बूँद कर्कलाको रहे मोती खसे पानी !
घरै कुवा बनाई जिएकाले यसै भन्छन्

म तिर्छु यार भोली मरी जाने कहाँ हूँ र
दुकानमा उधारो लिएकाले यसै भन्छन्

पिएँ सराब भन्दै पियो उस्ले उसैलाई !
शरीर राजिनामा दिएकाले यसै भन्छन्